Category: Aktualitet

Ministrja e Infrastrukturës, Belinda Balluku paralajmëron se me bllokimin e trafikut ajror në Rinas nga greva e kontrollorëve do të merren masa ligjore, pasi ky është cënim i sigurisë kombëtare.

Ajo thotë se kontrollorët kanë përveç pagave të larta edhe privilegje të tjera, si fakti që punojnë vetëm 17 ditë në muaj, apo 205 ditë në vit.
‘’“Kam ndjekur Berishën që thotë do bllokohet aeroporti i vetëm, kolaps etj, po a e dini se sot nuk vijnë vaksinat për shkak të kësaj situate, shkak i kësaj fushate brenda fushate, po afektohet. Do i kërkoja Metës se edhe ai i ka takuar kontrollorët edhe ka kërkuar informacion nga Albcontrol, dhe ia ka dërguar Presidentit, që të shprehet sot publikisht për këtë situatë.
A mundet shteti të kompensojë kontrollorët kur nuk ka pasur kurrë involvim financiar, a mundet sot shteti, Meta i ka të gjitha të dhënat, i ka edhe pagat para 2020, edhe sot. A mundet shteti të kapet peng nga një grup njerëzish që të kërkojnë të marrin 15 rroga sa ç’merr një shqiptar? 4 mijë e 400 dollarë, për një person, do të ishin njësoj sa 14 shqiptarë. Dikush mbrëmë gjatë negociatave kishte thënë, po edhe ne 60 jemi ne nuk u bë nami. Jo, ju doni sa 600 shqiptarë. A mendon Meta se duhet të bllokohet trafiku ajror, e mos vijnë vaksina, e mos lëvizë askush, as ata për të ikur, as ata për t’u larguar. As të sëmurët. A duhet vallë vendi të kapet peng. Ky është grusht shteti, nga disa persona që janë të pakënaqur me pagën 2 mijë e 490 dollarë. Dhe nëse nuk ja bëjnë 4 mijë e 400 dollarë mbajnë vendin peng. Sot në Rinas nuk vijnë vaksina.
Nuk erdha në Rinas për të dëgjuar kërkesën që nuk bëhet fjalë ose të iki dhe të bjerë vendimi i këshillit mbikqyrës e na jepni paratë. Erdha për t’i sqaruar se nuk është një lojë. Sot preket çdo qytetar i Shqipërisë, siguria kombëtare, dhe e drejta për lëvizjen e lirë të çdo qytetari. Nuk është lojë. Do na duhet të marrim disa mase të rëndësishme ligjore, nuk do jenë të mira për askënd, por s’do jenë të mira as për navigimin ajror. Është sektor shumë i rëndësishëm, janë investuar ndër vite shumë në burimet njerëzore. Të gjithë ata kontrollorë janë të trajnuar në akademitë më të mira, për të pasur certifikatën e duhur. Pra përveç pagave, gjithashtu kontrollorët 205 ditë në vit paguajnë. 17 ditë në muaj. Privilegjet i kanë në respekt të kësaj pune që kanë. ‘’- tha Balluku.

Në verën e vitit të shkuar, Noizy dhe MatoLale publikuan këngën “Adrenalinë”, e cila u prit shumë mirë nga publiku. Mirëpo më vonë marrëdhënia e tyre u kris dhe vetëm së fundmi, MatoLale i ka bërë një diss.

Ai ka publikuar një këngë, të titulluar “Resto”, ku mes të tjerash shprehet:

“Ti je egoist, ty egoja jote ka me t’v ra. Unë t’kam dasht me zemër, ti e di t’kam dasht si vlla. Ju nuk jeni grup me burra, po me gra. Si m’paske bo mu diss, po mu m’ka bo bukë nëna jote! Unë të kam përmend në intervistë, të kam përmend në spote”.

Nga ana tjetër, Noizy nuk ia ka vonuar një përgjigje. Ai ka publikuar në rrjete sociale bisedat me të, një ditë para se të publikohej kënga e tyre. Noizy shkruan se ndonëse në atë kohë MatoLale kishte shokun në spital, mendjen e kishte vetëm te kënga.

“Shokun ta bon për spital dhe s’të pl a si shumë…mendjen e kishe te kënga me Noizy-n. Të kam mësuar dhe për shoqnin se si t’i rrish korrekt, se ke qenë dhe je i papjekur ende. Kam aq shumë materiale për ty sa që edhe vet do habitesh.

Mos e harroni asnjë moment kë keni të bëni. Rrenat e juaja zgjasin 2 ditë, mbas kësaj hype që more nga emri im dhe ti do vd es ësh do përfundosh te gjithë llumi… dhe ti e din mirë këtë se e ke thonë dhe vetë, se kush të del kundra ty (Noizy) përfundon tek të shumtit. Të kujtohet? Numëro ditët dhe shife si v d es emri yt në heshtje me pambuk. Shokun e kishe në spital t’u lu f tu me jetën… mendjen e kishe te kënga me Noizyn. Ndërkohë flet boti për besprem”, ka shkruar reperi./albeu

Luljeta Nallbani është një pensioniste 64 vjeçare nga Fieri, e cila është bërë pjesë e emisionit “Përputhen +40”.

Ajo tregoi se ka hyrë në emision për të gjetur shpirtin e saj binjak, ndërsa tha se është pa komplekse dhe pavarësisht moshës, bën palestër për të patur një jetë saë m aktive.

Luljeta u shpreh se partnerin e dëshiron pa flokë, pasi edhe ajo vetë do e qethë kokën, ndërsa shtoi se i pëlqejnë udhëtimet.

“E dua pa flokë se do ta qeth dhe vetë kokën. S’jam tek lekët. Dua udhëtime se më pëlqejnë”, tha ajo.

Kryeministri Edi Rama i kërkon publikisht shefes së Infektivit Najada Çomo që t’i bashkohet Parisë Socialiste në zgjedhjet e 25 prillit. Rama tha se nuk duan që Çomo të bëhet si “ata”, por “ata” të bëhen si shefja e Infektivit.

“Në mënyrë spontane nxora një sekret të vogël që nuk ishte i predispozuar të dilte sot, pasi ne me shumë kënaqësi morëm aprovimin tënd, dhe të jap fjalën që ne nuk duam që ti të bëhesh si ne, por ne të bëhemi si ty”, tha Rama ndër të tjera.

Newsbomb.al më herët bëri me dije se kreu i Qeverisë i ka kërkuar shefes së Infektivit që të garojë për deputete nën siglën e PS, në Qarkun e Tiranës.

Pjesë nga fjala e Ramës:

Jam mirënjohës që ti je këtu. Ndoshta është momenti për ta thënë këtu. Shqipëria duhet të flasë, duhet të ndjejë, duhet një hollje zëri, në radhë të parë të atyre që janë në vijën e parë të kësaj lufte, qoftë dhe në anën tjetër të kësaj vije.

Është me siguri një arsye për të refklektuar për vetë skuadrën tonë. Është një arsye për të bërë një hapë dhe për të shtrirë dorën e lutjes, duke kërkuar që dikush, dhe kush me mirë se komandatja e vijës së zjarrit të vijë me ne. Jo për tu bërë deputetja e radhës në një grup deputetesh dhe deputetësh.

As për të lënë vijën e zjarrit për tu ulur në një karrige, që është më e rehatshme, por jo aq sa njerëzit e mendojnë. Për të qenë aty, sa herë që duhet që zëri i brendshëm i atyre hapësirave ku lufta është sy më sy dhe kacafytëse me armikun, të mos i mungojë paralamentit, shumicës dhe qeverisë. E cila duhet të dëgojë dhe të veprojë më shumë.

Në mënyrë spontane nxora një sekret të vogël që nuk ishte i predispozuar të dilte sot, pasi ne me shumë kënaqësi morëm aprovimin tënd, dhe të jap fjalën që ne nuk duam që ti të bëhesh si ne, por ne të bëhemi si ty.

Në Aeroportin e Kukësit është kryer ditën e sotme testimi i uljes së avionëve. Ishte ministrja e Infrastrukturës dhe Energjisë, Belinda Balluku, e cila tha se kjo është një procedurë standarde.

“Janë procedura standarde që duhen kryer për të pasur gjithë eksperiencën në mënyrë që të mitigojmë të gjitha ngjarjet më vonë. Patëm një test të suksesshëm me avionin e provës. Tani i kemi hyrë një rruge drejt fundit”, tha Balluku.

Po ashtu mësohet se po punohet paralelisht për të hapur së shpejti portat e aeroportit të ri.

“Terminali është 80% i përfunduar. Punimet po ecin me ritme të shpejta”, tha përfaqësuesi i kompanisë që po merret me ndërtimin e këtij aeroporti.

Kryeministri Edi Rama nuk ka lënë gjatë një postimi në rrjetet sociale pa “thumbuar” kritikët në lidhje me këtë investim.

“Avionët e testimeve janë 3D natyrisht, për të gjithë miqtë demokratikas këtu që shajnë e përqeshin me pasion”, shkruan ai në Facebook.

VIDEO

Kryetari i Grupit Parlamentar të Partisë Socialiste, Taulant Balla ka zhvilluar një vizitë sot në qytetin e Elbasanit, ku është takuar me simpatizantë të PS.

Gjatë këtij takimi, Balla u ndal tek çështja e mbetjeve urbane dhe ujit të pijshëm. Ai tha se në vitin 2013 Elbasani kishte vetëm 8 orë ujë, ndërsa sot ka deri në 21 orë furnizim me ujë të pijshëm.

“Elbasani ka hyrë në një proces pa kthim urbanizimi total. Unë e dua mandatin e tretë për Elbasanin. Nuk është se nuk kemi bërë gjëra të mëdha. Mbetjet sot janë një ndër sfidat më të mëdha të shumë qyteteve në Itali. Ne këtë çështje e kemi zgjidhur. E kemi gjetur Elbasanin në 2013 me 8 orë ujë të pijshëm, sot nuk kemi 24 orë, por kemi 18, 21 në zona të caktuara”., u shpreh Balla.

Një tërmet i fuqishëm ka ndodhur në Greqi.

Mësohet se ka qenë me magnitudë 5.9 rihter. Tërmeti është ndjerë në Greqinë Veriore dhe Qëndrore. 

Sipas informacioneve epiqendra e tërmetit ishte në Larisa.

Thellësia e tërmetit ishte 10 km, e ndjekur nga një tërmet me madhësi 4.6. Lëkundjet e tërmetit janë ndjerë në shumë qytete në Shqipëri.

Sipas mediave lokale, vendasit dolën në rrugë.

Video nga termeti:

Një qytetar është lidhur me zinxhir përpara bashkisë së Lezhës, për të protestuar.

Sipas informacioneve, Huanito Martini ka lidhur veten në shtyllën e dritave pranë bashkisë.

Ai ka treguar për mediat se në fshatin Balldren i kanë zaptuar dhjetëra hektarë tokë.

Sipas tij, nuk i është dhënë drejtësi në vendin tonë për problemin e tij.

Arsenali mori një fitore të rëndësishme në shifrat 3-1 kundër Leiçesterit në fundjavë, duke ngritur më tepër moralin e skuadrës në kampionat. Fjalë të ëmbla kanë dalë nga goja e trajnerit Arteta për Granit Xhakën pas ndeshjes. Tekniku i Arsenalit e ka veçuar mesfushorin shqiptar si shembull te “topçinjtë”, duke vlerësuar karakterin që ai përcjell në fushë dhe faktin që nuk lodhet pavarëisht se numëron më tepër minuta se kushdo tjetër në skuadër.

“Nëse duhet të vendosni një shembull në atë fushë për karakterin dhe për të shkuar për çdo objektiv të vetëm me atë vendosmëri, atëherë ndoshta është Xhaka. Ai ka luajtur më shumë minuta se kushdo tjetër, por vazhdon, edhe kur është kaq i lodhur. Ai përpiqet të ndihmojë ekipin në mënyrën e duhur. E njëjta gjë me David Luiz“, ka thënë Mikel Arteta./Halit Delibashi-Sport Ekspres/