Arbana Osmani fotografohet me nënën e saj në rrugët e kryeqytetit, shikoni si duket moderatorja me barkun e rrumbullakosur

Ky mund të quhet pa frikë viti i Arbana Osmanit. Pasi përmbylli një vit të suksesshëm në krye të “Big Brother VIP”, moderatorja po shijon fundit e shtatzanisë. Por duhet thënë se ndonëse në fund të pritjes së ëmbël, prezantuesja nuk e ka ulur ritmin.

Pasi kreu disa udhëtime cep e më cep botës, ajo është rikthyer në Tiranë, ku kalon ditët mes angazhimeve dhe pritjes së ëmbël. Paparaci ynë e ka kapur në një nga daljet e saj të rralla jashtë formati që jemi mësuar ta shikojmë në rrjetet sociale, apo në televizion. Kjo është një ditë normale e Arbanës, ku së bashku me mamanë e saj, ka qenë duke ecur në rrugët e Tiranës.

Megjithatë, edhe shumë normale nuk duket, pasi ajo që duhet të ishte një shëtitje e thjeshtë, është shndërruar në një ecje të shpejtë dhe shkak për këtë u bë shiu i papritur që filloi. Ashtu siç duket edhe në këto foto, Arbana dhe e ëma e saj janë lagur në shi, teksa nxitonin hapat. Megjithatë nuk duket një situatë dramatike, pasi pak shi që ra nuk e ndërpreu aktivitetin e dy zonjave në Tiranë.

Por këto foto na sjellin ndoshta imazhet e saj të fundit, para se të vijë në jetë vajza e parë e saj dhe e regjisorit, Eduart Grishaj. Si një ndër personazhet më të ndjekura e më të pëlqyera në rrjet, edhe për rolin si mama, ajo ka ndarë me ndjekësit e saj pak kohë më parë përjetimet e mëmësisë. Moderatorja ka zhvilluar një bisedë virtuale me ndjekësit e saj në “Instagram”, ku ka folur për jetën e saj personale.

Një ndjekëse e pyeti moderatoren se cili ka qenë tranzicioni apo ndryshimi më i vështirë në jetën e saj, fëmija i parë apo fëmija i dytë e në vazhdim. Ndërsa Arbana është përgjigjur duke cituar fjalët e partnerit të saj Eduard Grishaj. Për të është njësoj si të ketë një apo më shumë fëmijë, ndërsa për moderatoren, fëmija i parë ka sjellë shumë ndryshim në jetën e saj.

“Edi thotë si 2, si 4, si 5 njësoj janë. Por nuk i vë ai në gjumë të kuptohemi. As nuk i shikon kur duhet të bëjnë vaksinat a të marrin mjekim. 0-1 ka qenë tranzicion shumë i madh për mua. Mendova se isha e përgatitur për atë, por kuptova se të gjithë librat që kisha lexuar për shtatzëninë ndihmuan pak për asgjë”, shkruan moderatorja. Arbana Osmani dhe Eduart Grushaj janë në pritje të fëmijës së tyre të dytë. Vajza e çiftit të mirënjohur pritet të vijë në jetë vetëm pak kohë më pas. E ndërkaq ne të gjithë po presim rikthimin e saj në “Big Brother”, ku vetë moderatorja ka premtuar një spektakël edhe më emocionues se edicioni i dytë./Panorama Plus

Matane kufirit te Legjendes: – Poshtë malit të Tomorit ka një piramidë me 3 porta! – Aty njerëzit…

26 Qershor 2022

Konspiracionisti Alfred Cako i ftuar në emisionin Kojshia Show, ka diskutuar lidhur me fenomenin e Malit të Tomorit.

Tomori është një mal në lindje të qytetit të Beratit në Shqipëri.

Etnologia angleze Margaret Hasluck, që u ngjit në majë të tij më 1930, konstatoi midis të tjerave se pelegrinët besonin në një fuqi të mbinatyrshme me seli në atë majë.

Nga kulti pagan i majave të larta, i përhapur në gjithë Shqipërinë, kulti i Malit të Tomorit ka mbijetuar në rrjedhë të shekujve e të ndërrimeve fetare.

Duke gëzuar një prestigj të veçantë në botën shqiptare, ai ka fituar atributin e malit të shenjtë.

Fakti që ky mal në gojëdhënën popullore, në periudhën antike e mesjetare dhe në letërsinë romantike përfytyrohet si Olimpi shqiptar, besohet se është dëshmi e njësisë kulturore ballkanike.

Konspiracionisti Alfred Cako thotë se njeh disa persona me aftësi të jashtëzakonshme që dinë disa sekrete te Malit të Tomorrit.

“Poshtë Malit të Tomorit ka një piramidë me tre porta. Aty janë disa kostume që nuk mund të vishen nga çdo kush. Ato kanë disa kode që janë për persona të caktuar për të cilët janë krijuar”.

“Për t’u futur brenda piramidave do të kalosh kontrollet brenda tre porteve që vetëm ADN-ja e një personi i përshtatet. Aty do të futen njerëzit vetëm në ditë të vështira, apo kur t’i vije fundi kësaj bote”

Cako thotë se jo të gjithë do ta besojnë këtë teori.

“Kjo piramidë qëndron mbi një liqen të madh që gjendet poshtë Malit të Tomorit. Syri i Kaltër dhe furnizimi i liqeneve të Prespës kanë furnizime nga ky burim nëntokësorë”, tha ndër të tjera Alfred Cako.

Nga Gazeta Sot

 

Stresit i ndodh e papritura në koncert/ Përplaset keq me shufrën e hekurit, balli gjak

Një incident i pazakontë i ka ndodhur, reperit Stresi mbrëmjen e djeshme në një koncert. Teksa ka qenë duke u ngjitur në skenë ai e ka përplasur kokën me një shufër hekuri.

Siç shihet edhe nga pamjet, Stresi nxiton të hipë në skenë, por nuk e ka parë, që mes dy hekurave, ku ai kapet për t’u ngjitur është edhe një shufër në mes. Stresi e godet fort dhe i bien syzet.

Ai përpiqet ta kalojë situatën me sportivitet, por në ballin e e ka lënduar keq. Videoja e incidentit është bërë virale në rrjetet sociale.

https://www.tiktok.com/@lyricss455/video/7113376131201453317?_t=8TTubNJ25IL&_r=1

 

Vajza e Albanit Dudushit përgatitet për ditën e rëndësishme, Bieta Sulo e shoqëron si një mikeshë e ngushtë

2022

Bieta Sulo ka treguar gjithmonë se ka një raport mjaft të mirë me vajzën e partnerit të saj, Alban Dudushi, Joelle. Tani, ajo është rritur dhe ka mbaruar dhe shkollën e mesme. Një ditë më parë, Joelle është përgatitur për mbrëmjen e maturës.

Ka qenë pikërisht Bieta, e cila e ka shoqëruar Joelle-n për t’u bërë gati. Moderatorja ka ndarë disa momente me ndjekësit në Instagram, duke treguar kështu edhe njëherë se sa e afërt është me vajzën e Albanit. Kujtojmë që Bieta dhe Albani kanë një djalë së bashku.

Hidhet ideja e çmendur për Ronaldon te Chelsea, Broja përdoret për rikthimin e mesfushorit

Një lajm i bujshëm qarkullon së fundmi në mediat angleze. Presidenti i Chelsea-t, Tod Boehly, ka takuar në Portugali Jorge Mendesin. Tema e diskutimit ka qenë Cristiano Ronaldo, për një transferim të mundshëm të tij në “Stamford Bridge”.

Një kalim i tillë do të mbyllte përfundimisht diskutimet për zëvendësuesin e Lukakut dhe do të shuante shanset e Armando Brojës për një vend në ekipin e Chelsea-t. Ndërkohë sulmuesi shqiptar po përflitet të përdoret si opsion për rikthimin e Declan Rice-t në radhët e bluve të Londrës. Broja së bashku me 70 milionë paund priten t’i ofrohen West Ham-it për lojtarin e Kombëtares angleze./Halit Delibashi-Sport Ekspres/

Plagosi pronarin e hotelit në Pogradec/ Babai i 22-vjeçarit: Djali im nuk është autor, iku nga frika!

Policia ka arrestuar dje Griseld Maxharin dhe ka shpallur në kërkim një tjetër si përgjegjës për plagosjen pronarit të hotelit në Pogradec, Joan Muçllari.

Ngjarja ndodhi dy muaj më parë, teksa dje u arrestua një prej autorëve. Gazmor Maxhari babai i Griseld Maxharit i cili është ndaluar nga policia në një deklaratë për mediat ka thënë se djali i tij 22 vjeçar nuk është autor në këtë ngjarje.

Ai thotë se djali i tij ka ndërhyrë për të shuar sherrin.

E vërteta e djalit tim qëndron se atë prokuroria dhe policia e kanë arrestuar si autor të ngjarjes së ndodhur para 2 muajsh. Lidhur me këtë ngjarje di të them që djali im nuk është autori. Ai koiçidoi atje. Ai ka ndërhyrë thjeshtë për të shuar sherrin mes palëve dhe ka parandaluar një ngjarje që mund të degradonte edhe më shumë.”- tha ai.

Eraldi vdiq në aksidentin me motor, miqtë: Çun kampion me zemër të madhe

Erald Totilla është 40-vjeçari, i cili humbi jetën pasditen e sotme në një aksident tragjik me motor. Ai ishte i apasionuar pas motorave, por ky pasion i mori jetën.

Eraldi i mbijetoi plagëve të rënda deri në spital, por më pas nuk mundi dot.

Miqtë e Eraldit kanë shprehur dhimbjen e madhe që i ka kapluar në rrjetet sociale.

Qofsh i xhenetit, çun kampion me zemër të madhe”, shkruan një mik i afërt i viktimës në rrjetet sociale.

Syri i Kaltër pa transport, turisti francez i zhgënjyer: Kam ardhur me patericë, do i shkruaj Edi Ramës

Nga rruga kryesore deri tek Syri i Kaltër turistët duhet të ecin rreth 1.5 km në këmbë. Automjetet nuk lejohen të hyjnë më në Park. Vizitorët e huaj me aftësi të kufizuar të lodhur nga ecja dhe vapa thonë se zyrtarët duhet të mendojë për transport alternativ.

Sic duket dhe nga pamjet për të mbërritur në destinacion është stërmundim i madh për prindër me fëmijë të vegjël, për të moshuar dhe për persona me aftësi të kufizuara si ky shtetas francez, që nuk ishte përgatitur të ecte në vapë kaq gjatë.

Teksa lëviz me ndihmën e patericës, ai thotë se nuk gjeti mirëkuptim për shkuar tek Syri i Kaltër me makinë.

“U tregova për paaftësine time dhe refuzuan që të hyja me mjet këtu. Do ti shkruaj kryeministrit, ministres të kulturës, të japin një shpjegim sesi do të hyjnë personat me paaftësi si unë. M’u desh të bëja 2 km për të ardhur e 2 km për të ikur me patericë. Duhet të organizojnë transport për të paaftët që nga hyrja e deri në vend. Kam ardhur nga Franca të vizitoj Shqipërinë. Ne po investojmë për Shqipërinë, po Shqipëria pse nuk investon për ne?!”, thotë ai.

Edhe dy turistë nga Spanja, sado që u kënaqën duke viztuar Syrin e Kaltër, kur u kthyen përmendën vështirësitë, që hasën gjatë rrugëtimit. Madje sugjerojnë disa mënyra transporti.

“Vend shumë i bukur, por është shumë e vështirë, shumë e dhimbshme të ngjitesh edhe të kthehesh sërish pa transport. Do të ishte shumë mirë një tren turistik, disa biçikleta ose patina diçka për të lehtësuar turistët. Hodha ujë në kokë sepse është shumë vapë. Është e vështirë për të ardhur te Syri i Kaltër, mbase për të rinjtë është më e lehtë”, thotë gruaja nga Spanja.

Më duket shumë bukur këtu, mendoj se është një nga vendet më të bukurat në Shqipëri, nuk kam parë ujë aq të kthjellët në jetën time. Është super, super, super bukur, por ndihem i lodhur bën edhe shumë vapë, është rrugë e gjatë”, shton turisti spanjoll.

Ndërsa ky çift nga Gjermania mendon se duhet të kishte një rrugë alternative.

“Për të arritur deri tek Syri i Kaltër duhet të ishte një rrugë përmes pemëve. Duhet të ketë një mënyrë, që ti çoj turistët direkt tek Syri i Kaltër, për ata që nuk mund të ecin dot gjatë, për ata që duan të ecin asfalti është në rregull”, thonë ata.

Abc u interesua pranë Bashkisë së Finiqit. Kreu i saj Kristaq Kiço tha se çështjen e transportit do t’a diskutojnë sa më parë me Ministrinë e Turizmit dhe Agjencinë e Zonave të Mbrojtura, pasi Parku ku ndodhet Syri i Kaltër administrohet nga pushteti qëndror.

Agron Llakaj rrëfen momentin më të vështirë në jetën e tij: Zoti më vendosi në provë sa mund të duroja

I ftuar në programin “Ditë pas dite” në RTSH ishte mjeshtri i humorit Agon Llakaj. Në një intervistë të rrallë përballë Fjodora Fjorës, artisti ndau detaje nga jeta e tij private, fëmijëria dhe profesioni.

Për vite me rradhë ai na ka dhuruar pafund të qeshura me rolet e tij. Por pas asaj buzëqeshje që ja kemi parë gjithmonë në fytyrë, fshihet edhe një Agron emocional dhe shumë i ndjeshëm kur bëhet fjalë për njerëzit që do.

I pyetur nga Fjodora se cili ka qenë momenti më i vështirë që ai ka përjetuar në jetën e tij, i përlotur, Agroni kujtoi motrën e tij të ndjerë.

“Vitin e kaluar në muajin nëntor më vdiq motra e madhe, në moshën 65 vjeçare për shkak të Covid19. Ishte periudha më e vështirë në jetën time. Dy ditë pas vdekjes së motrës dola në skenë për të dhuruar të qeshura. Me dukej sikur Zoti me vendosi në tel të provës se sa mbaja”, tregoi aktori me zërin që i dridhej e sytë e mbushur me lot.

Pavarësisht gjithçkaje, falë mbështetjes së familjarëve, dashurisë së publikut dhe pasionit për punën, Agroni nuk ndaloi kurrë së na dhuruari të qeshura.

Ka bërë miliona pa folur asnjë fjalë/ Emigranti në Itali bëhet më i ndjekuri në TikTok

Khaby Lame, emigranti në Itali, të cilin, pothuajse askush nuk e ka dëgjuar të flasë, ka kaluar zyrtarisht adoleshenten, Charli D’Amelio, duke u bërë profili më i ndjekur në TikTok.

Mjeshtri i videokomedisë së shkurtër tani ka më shumë se 143.3 milionë ndjekës në këtë rrjet social duke e tejkaluar D’Amelian, e cila aktualisht ka 142.5 milionë.

Lame ka lindur në Senegal dhe familja e tij u shpërngul në Itali, kur ai ishte 1 vjeç. 22-vjeçari pëlqehet më së shumti nga të rinjtë dhe ka fituar goxha popullaritet edhe nga futbollistë të njohur, të cilët i takon pothuajse çdo javë.

Ai e hapi kanalin në TikTok në mars të vitit 2020 dhe asokohe ndau videon e tij të parë komike, pasi u pushua nga puna në fabrikë në ditët e para të pandemisë së coronavirusit.