YouWant.al

Lori Hoxha dhe Vis Bajraktari prej vitesh janë në qendër të mediave rozë.

Vitin që lamë pas çifti u përfol për një ndarje të mundshme, megjithatë pas gjithë bujës së shkaktuar, u fotografuan së bashku rrugëve të Tiranës.

Po ashtu, ata ndiqnin ende njëri-tjetrin, kurse Visi kishte në profilin e tij foto me Lorin.

Megjithatë prej kohësh nuk kemi dëgjuar asgjë rreth çiftit, teksa nuk e ndjekin më njëri-tjetrin, madje Visi ka fshirë edhe fotot që kishin së bashku.

Si për të përforcuar këto detaje, blogerja na ka bërë sot të dyshojmë se lidhja mes tyre ka marrë fund dhe se ajo tashmë është gati për një njohje të re.

Kjo pasi trashëgimtarja e Top Channel ka publikuar një thënie mjaft romantike dhe të ëmbël në profilin e saj në Instagram, ku thuhet:

Nuk jam e sigurtë nëse jemi takuar në kohën e duhur, por duke qenë se jemi të dy këtu, le të bëjmë më të mirën tonë.

Ndonëse një shprehje e bukur dashuria, këto fjalë mund të interpretohen si të duhurat për një njohje të re dhe mundësisë për fillimin e një marrëdhënie.

Megjithatë, nuk dihet ende se çfarë fshihet pas këtij postimi, sepse mund të jetë e gjitha rastësi, megjithatë jemi ende në pritje të ndonjë detaji tjetër.

Reperi Trim Ademi, i njohur si Capital T ka postuar një video në ‘Instagram’ me këngën ‘Flawless, ku shkruan se është krenar për suksesin e projektit të tij muzikor. “Flawless jam shumë krenar për ty. Krejt ndryshe nga çfarë bën industria edhe prap ja dole me triumfu me sukses”, shkruan ai krahas videos.

Mirëpo, ndër komentet e shumta ai që bie në sy është komenti i një ndjekësi, i cili shkruan se duhet të heqë dorë nga këngët me Guçi dhe shampanjë, teksa shton se shqiptarët gjithë jetën kanë groshë, ndërsa tani bëjnë filma.

“Pash Zotin veç kenge me guçi, shampanje e kshu mos beni me se ka fillu tu na dal gj.ak nga veshet. Shqiptaret tan jeten kane ngrene groshe, na bejne filma tani”, shkruan fansi. “Prandaj që tani na ka ardh dita bëjmë filma. Po groshin e hamë prapë ne, çke ti”, i kthehet reperi.

Një lajm i trishtë na vjen Kosova, teksa gazetari i njohur Berat Buzhala ka bërë me dije se babai i tij ndodhet në koma prej 5 ditësh. Shkak është bërë koronavirusi, pasi e gjithë familja Buzhala është prekur prej tij, tashmë prej 17 ditësh.

Berati çdo ditë raportonte gjendjen e tij dhe të familjes përmes shënimeve në facebook, ndërsa sonte ka dhënë lajmin e hidhur.

Përmes një rrëfimi të ndjerë në rrjete sociale, Buzhala thotë se po të kthehej pas në kohë do e mbante maskën gjithë jetën, si dhe i bën thirrje qytetarëve që të mos i neglizhojnë këshillat e mjekëve.

Rrëfimi i plotë i Buzhalës

Edhe po tutna, e edhe po pritoj me dale, ndonese kane kalu tashme ma shume se dy jave prej kur jam testu pozitivisht me Covid. Fatkeqesisht nuk kam qene i vetmi ne familje qe pata dale pozitiv, e fatkeqesisht ka prej nesh qe ende nuk po munden me i nxjerr kambet prej kesaj beteje te gjate, te lodhshme, e te merzitshme. E kam fjalen per baben. Gjendja e tij vazhdon me qene kritike, eshte ne kome qe 5 dite.

Cka po du me thane eshte kjo: Mbani ato maska, mbajeni distancen, e mbajeni edhe higjenen. Sikur te rikthehej gjendja sikur qysh ka qene para dy javesh kisha premtu qe do ta kisha mbajte masken per pjesen tjeter te jetes. Mirepo ajo nuk kthehet tashme, krejt cka mundemi me bo eshte me parandalu raste te tjera, me parandalu me shume fatkeqesi dhe me shume renie te shtetit.

Kjo lufte nuk do te zgjas edhe disa dite, e as edhe disa jave. Do te zgjas edhe disa muaj, kurse ne se bashku do te mund ta krijojme nje realitet te ri dhe te perkoheshem, por qe na mbron prej shume dramave familjare.

Une jam i bindun qe ne nje te ardhme jo shume te larget prape kemi me pase mundesi me ndejt truç me njani tjetrin, me kcy ne valle si te dalldisun, ama nuk kemi me pase mundesi me i pas afer vetes ata qe prej pakujdesise tone nuk i kemi afer vetes.

E kam thane edhe nje dite tjeter, ky vit eshte Viti i Mbrapshte, e jo ai qe ka thane Kadareja.

p.s.

Na pamundesi me ia thane te veshi, po kam nevoje me ia thane qitu babes se nuk ka gajle qe i ke pas prishe krejt mollat e dardhat me helm. Kisha pase qef me prishe hala….

Ministri në Detyrë për Punët e Jashtme, Gent Cakaj, ka shkarkuar sot ambasadoren shqiptare në Greqi, Ardiana Hobdari, pas ankesave të shumta që kanë pasur emigrantët në drejtim të saj.

Ndërkohë, mediat greke bëjnë me dije se Hobdari është është e përfshirë në skandalin e zhdukjes (vjedhjes) së 100 pasaportave shqiptare vitin e kaluar në Athinë.

Ndërkaq, e propozuar tek presidenti Meta për ambasadore në Athinë, Luela Hajdaraga mësohet se është vajza e ish-ministrit socialist të Mbrojtjes Luan Hajdaraga. Ky i fundit është ndarë nga jeta disa kohë më parë, pas një sëmundje të rëndë.

Luela ka qenë më herët Koordinatorja e Bashkëqeverisjes në Ministrinë e Europës dhe Punëve të Jashtme prej afro 3 vitesh. Duke qenë se prej kohësh ishte pjesë e platformës “shqiperiaqeduam.al”, platformë në të cilën vijnë një numër i konsiderueshëm shqetësimesh nga emigrantët shqiptarë jashtë vendit, Hajdaraga është menduar si më e favorshme për postin e ambasadores.

Edukimi

Luela hajdaraga ka zhvilluar shkollën e mesme në ‘Albert Einstein High School’, gjatë periudhës 1996-2000. Më pas (2001-2004) ka ndjekur studimet e larta në universitetin e Marylandit për psikologji.

Në vitet 2004-2008 Hajdaraga është diplomuar për Marrëdhënie Ndërkombëtare në universitetin shtetëror të Nju Jork Empire State College. Më tej 2009-2011 ajo është pajisur me një diplomë masteri për Marrëdhënie Ndërkombëtare, në universitetin UBIS.

Punësimi

Prej një periudhe 1-vjeçare (1998-1999) Hajdaraga ka shërbyer si ndihmës menaxhere marketingu në Uashington D.C.

Më pas, për më shumë se 2 vite ka punuar si ndihmës pedagoge në kolegjin Montgomery në Maryland.

Nga 2001-2003 ka punuar si ndihmës drejtore në Editex home corporation në Uashington D.C.

2003-2004 ka punuar si menaxhere në kompaninë Alrue Import po në Uashington.

Për 1 vit e 5 muaj ka qenë menaxhere në Qendrën për të Drejtat e Njeriut në Tiranë, dhe më pas ka qenë në pozicione të rëndësishme në shumë kompani të njohura në Tiranë. Së fundmi Hajdaraga punon si Koordinatore e Bashkëqeverisjes në Ministrinë e Europës dhe Punëve të Jashtme.

Jemi mësuar ta shohim gjithmonë brune, por si mund të rezistonte Fifi pa bërë një ndryshim në look kur tashmë të gjithë po luajnë me pamjen e tyre?

Videoklipi i ri në bashkëpunim me Young Zerkën do ta sjellë këngëtaren kokëkuqe, siç nuk e kishim parë kurrë më herët. Vetë Fifi ka ndarë në Instagram një foto krah Zerkës dhe në fakt jo vetëm flokët, por shfaqet e veshur me të kuqe nga koka tek këmbët.

Si ju duket me këtë look?

Bashkëpunimi i dyshes do të titullohet “Pa gajle” dhe do të presim edhe tre ditë për ta dëgjuar.

Çiljeta Xhilaga e ka marrë me sportivitet lajmin në portale mbi shtatzëninë e saj.

Këngëtarja u pyet nga Rudina Magjistari nëse kanë ndonjë plan për të bërë fëmijë me portierin e Partizanit, Alban Hoxha, pasi kanë tre vite të lidhur së bashku. Sipas Çiljetës ardhja e një fëmije në jetë është në dorë të Zotit.

Rudina Magjistari: Referuar portaleve kohët e fundit ka pasur një lajm i cili bëri bujë të madhe. U zgjuam të gjithë me lajmin e bukur, ti u zgjove e shqetësuar sepse kështu ishte edhe komenti juaj më pas. U mbushën portalet me atë lajm edhe pritej një reagim i yti, erdhi në fakt një reagim.

Çiljeta Xhilaga: E kalova me sportivitet, me humor siç jam edhe unë.

Rudina Magjistari: Ishte i formuluar aq bukur, më pëlqeu aq shumë. Mu duk sikur të dy me Albanin ishit konsultuar për termat sportivë.

Çiljeta Xhilaga: U konsultova, por e formulova vetë.

Rudina Magjistari: Termat sportivë dukej sikur i njihje shumë mirë.

Çiljeta Xhilaga: Po tani çfarë të bëjmë, njëçik nga qejfi, njëçik nga halli i kemi mësuar. Nejse, e kaluam me shumë sportivitet, kur u zgjova në mëngjes edhe i pashë, thashë po këto çfarë bëjnë, njëherë na ndajnë, njëherë na bashkojnë, njëherë na lënë shtatzënë, s’po marrim vesh.

Rudina Magjistari: Ndoshta nga dëshira për të pritur një lajm të tillë. Kështu krijohen thashethemet, njëri thotë një gjë të vogël dhe bëhet pastaj strumbullar ajo gjëja dhe kthehet në lajm.

Çiljeta Xhilaga: Unë nuk i marr shumë për bazë. Zakonisht i deklaroj vetë gjërat se nuk i mbaj dot. Si kur janë për mirë, si kur janë për keq, unë pa i thënë nuk rri dot.

Rudina Magjistari: Ti për momentin edhe njëherë ripërsërit atë deklaratë që bëre në Instagramin tënd.

Çiljeta Xhilaga: Padiskutim.

Rudina Magjistari: Ende duhet të presim, je tek porta duke bërë penalltinë, je gati për të bërë gjuajtjen.

Çiljeta Xhilaga: Ato punë i di zoti. Zoti i di kur i jep gjërat.

Temperaturat e larta kanë bërë që shumë familje të zhvendosen drejt Jugut të Shqipërisë.

Ata kanë zgjedhur bregdetin për të shijuar këto dite të nxehta korriku, duke ‘harruar’ për pak momente pandeminë Covid-19.

Një ndër plazhet më të preferuar është ai i Jalës, ku përveç rinisë, muzikës së lartë dhe alkoolit, vëmendje kanë tërhequr edhe format se.ksi trupore.

Duket se së fundmi në Jalë ka filluar të praktikohet plazhi ‘topless’, pamjet e siguruara nga ABC Neës e tregojnë këtë tedencë fare qartë.

Vihen re dy pushues, të cilët kanë zgjedhur për të qëndruar në çadrat e tyre krejtësisht pa komplekse. Duket se ata nuk e ‘kanë vra.rë’ mendjen se çfarë ka përreth, por kanë vendosur të argëtohen. /abcnews.al

 Partia Socialiste ka “ndezur” motorët për zgjedhje dhe sot përfaqësuesit e kësaj force politike kanë qenë në njësinë 13 të Tiranës.

Ministrja e Shtetit për Marrëdhënien me Parlamentin, Elisa Spiropali, lajmëroi konstituimin e Këshillit Socialist ndërsa bie në sy aktori i njohur i ‘Portokalli’ Gaz Paja.

Gazi njihet për mbështetjen dhe angazhimin e tij majtas, mirëpo, tanimë shfaqet hapur me përfaqësuesit më të lartë të kësaj partie në fushatën që synon t’i sigurojë PS-së dhe Edi Ramës një mandat të tretë.

Krah Elisa Spiropalit, Pandeli Majkos dhe Ervin Bushatit, siç duket nga këto foto, Gaz Paja ndjehet shumë “rehat”.

“Me Pandeli Majkon, Ervin Bushati dhe strukturat organizative të Njësisë 13, finalizuam konstituimin e Këshillit Socialist të kësaj njësie.

Urime Danielit në detyrën e kryetarit, energjia e të cilit do të përvijojë me realizimin e punëve të mira.

Procesi dinamik i riorganizimit në Partinë Socialiste Tiranë thelb të punës së saj ka patur dhe do të ketë komunikimin, vullnetin, vëmendjen e shtuar ndaj qytetarëve me qasjen progresiste: të shërbejmë, që të drejtojmë”, shkruan ndërkaq Spiropali.

Ndërkaq, përpos aktorit të humorit, bie në sy mosrespektimi i rregullave nga ana e pjesëmarrësve në këtë takim.

Përveçse është një numër i lartë personash brenda disa metrave katrorë, vihet re fakti që asnjëri nuk ka respektuar distancën dhe askush nuk mban një maskë në kundërshtim të plotë me rregullat anti-covid.

Sekretarja e Përgjithshme e Këshillit të Bashkëpunimit Rajonal Majlinda Bregu, shprehet se nga sonadazhet që janë kryer në vendet e Ballkanit, kryesisht te të rinjtë, tregojnë se 71% e tyre duan të largohen nga vendet e tyre.

“Sondazhet tregojnë se 82% e të anketuarve në të gjithë Ballkanin janë shprehur se institucionet më të korruptuara në vendin e tyre janë partitë politike. Nuk thonë më qeveritë. Pra të parat dalin partitë politike. Këto shifra të bëjnë të kuptosh se çfarë trendi ka politika në të gjithë rajonin.

71% e të rinjve duan të largohen nga vendet e tyre. Numri i atyre që flasin për probleme madhore janë gjithmonë e në rritje. Këto janë situata thuajse kudo problematike. Për herë të parë e kanë theksin direkt tek baza e problemit, tek partia politike e cila është qeveria e së nesërmes.

Duke mos pasur demokraci të brendshme, duke mos pasur karrierë politike të vlerësuar, meritokraci…kanë filluar të kuptojnë se që nuk është problemi se kush do të jetë ministri nesër, por çfarë vendos kryetari i një partie. Për mua është shifra më shqetësuese në perceptimin publik të këtij viti”, tha Bregu në emisionin “Provokacija”.

Më tej, Bregu tha se shqetësues është fakti se pjesa që po largohet janë “truri” i vendit, janë të rinj që ndihen të papërfaqësuar në sistemin politik.

“Trendi është që “truri” po largohet sepse nuk e ndjejnë vetën të përfaqësuar në sistemin politik. Por shohin edhe që në administrata ka më shumë nivel mediokriteti që nuk përputhet me ambicien e tyre. Dëshira për tu larguar në mënyrë masive është ngulmuese nga viti në vit. Në asnjë vit nuk shohim se ka një ulje të largimit të “trurit” dhe as të dëshirës për të ikur.

Problemi kryesor është se kush do të punojë, kush do ta bëjë ndryshimin, kush do t’i popullojë vendet tona. Është një problem shumë i madh në Ballkan pjesa e demografisë. E uljes së numrit të lindjeve.

Politika nuk ka nevojë vetëm për vizion të ri, është pjekuria apo dëshira për të bërë ndryshim. Ashtu si çdo profesion ose je për politike ose nuk je për politikë”, tha më tej Bregu.

Këtë të martë në “Edicioni Veror 2020”, ka qenë i ftuar artisti i njohur Majk.

Kastriot Rexha, i njohur ndryshe si Majk, vazhdon të mbetet aktiv sa i përket prurjeve të reja muzikore.

Majk tashmë ai ndodhet në Dhërmi për të pushuar në bregdetin shqiptar.

Në një intervistë për gazetaren Irini Meçe, artisti tha se për shkak të pandemisë nuk kishte lëvizur nga Prishtina.

“Nuk e di sa do të qëndroj, nuk kam bërë plane. Tashmë club-et janë të mbyllura dhe vendosa të pushoj pak. Prej katër muajsh nuk kam lëvizur nga Prishtina”

Sa i përket karantinës, Majk u shpreh se ka qenë një periudhë e vështirë.

“Me thënë të drejtën jam mërzitur. 3-4 muaj lajme të këqija, depresion. Karantinën e kam kaluar me familjen”, u shpreh ai.

Gjithashtu ai foli edhe për planet e tij sa i përket karrierës muzikore. Për shkak të pandemisë Majk tha se nuk ka qenë situata që pritej pasi kishte në plan nxjerrjen e një albumi.

Majk tregoi gjithashtu tregoi se për shkak të pandemisë ka anuluar shumë koncerte.

“Kemi humbur shumë. Me rëndësi është të jemi mirë, të kemi familjen sa më mirë dhe të kemi sa më pak viktima. Në fund të fundit koncertet do të vijnë sërish”, tha Majk.